Swan Lake

Classical Ballet and Opera House 

Yn cyflwyno 

Swan Lake - bale diamser sy'n cynnwys dawnsio gwefreiddiol  

Gan gynnwys cerddorfa fyw gyda thros 30 o gerddorion 

Ar ôl taith lwyddiannus y llynedd, mae Classical Ballet & Opera House yn dychwelyd i'r DU eleni i'ch swyno â chynhyrchiad hyfryd Swan Lake.  

Mae Swan Lake yn adrodd stori Odette ac Odile, dwy fenyw ifanc sy'n edrych mor debyg i'w gilydd y mae'n hawdd eu cymysgu. 

Mae Swan Lake yn chwedl gymhellol o ramant drasig lle mae tywysoges, Odette, yn cael ei throi'n alarch gan felltith ddieflig. Wrth hela, daw'r Tywysog Siegfried ar draws haid o elyrch. Ar ôl i un o'r elyrch droi'n fenyw ifanc brydferth mae'n cael ei swyno ar unwaith - a fydd ei gariad yn ddigon cryf i dorri'r felltith ddieflig sy'n effeithio arni? 

O ysblander mawreddog neuadd ddawns y palas i'r llyn yng ngolau'r lleuad lle mae'r elyrch hardd yn llithro mewn ffurfiant perffaith, mae'r stori gyfareddol hon o ramant drasig yn cynnig popeth. 

Yn fwy nag unrhyw fale arall, mae Swan Lake yn cyfleu'r holl emosiynau dynol - o obaith i anobaith, o ddychryn i dynerwch, o bruddglwyf i ecstasi.  

Dyma noson hyfryd mas, gydag atgofion i'w trysori am amser maith ar ôl i'r llenni gwympo!