Morgan Rees: What A Bummer

Ar ôl gwerthu pob tocyn ar gyfer taith yn 2024, mae'r digrifwr byw uchel ei fri a'r seren ar-lein Morgan Rees yn ôl ar daith gyda sioe newydd sbon y bu disgwyl mawr amdani.

Ar ôl i Morgan a'i bartner fynd ar wyliau ar wahân - un i fforwm mathemateg yng Nghofentri a'r llall i barti eirth yn Barcelona - gwnaeth datguddiad anferth orfodi Morgan i ailwerthuso popeth. Ai ef oedd ar fai am gael ei wahardd gan drenau Great Western, am gael ei ddiswyddo fel gwas noeth, ac am anwybyddu Paul McCartney?

A yw hynny wedi denu eich sylw? Diolch byth, gan mai dyna'r unig bethau sy'n ddigon gweddus i'w cynnwys yn y broliant. Dyma sioe gomedi am brofi a methu wrth gwympo mewn cariad a chadw'r cyffro'n fyw, y digalondid sy'n deillio o aros am ddiagnosis, a'r profiad o fod yn Gymro gwyn o'r cymoedd sy'n ymuno â theulu Guattari balch. Yn sicr, mae ganddo ddigon o bethau i'w trafod.

Yn ogystal â cael ei weld filiynau o weithiau ar-lein a chael adolygiadau arbennig am ei sioeau byw, mae Morgan wedi cefnogi Joanne McNally, Rhys James a Jayde Adams ar daith ac wedi ymddangos ar restr fer gwobrau digrifwyr newydd y BBC. Mae hefyd yn cyflwyno'r podlediadau poblogaidd My Bad a Chatting With Cherubs ochr yn ochr â Josh Jones a Gearóid Farrelly.